Hunermendekî Li pey "Xewna Derew"

Nivîskar:
       Di van salên dawî de kêm berhemên mûzîkê derdikevin. Hinek hunermend bi deh salan e ku deng ji wan nema derdikeve...
       Karê hunerê û bi taybetî jî xebatên mûzîkê li ser domdariyê qewî dibe. Kêm hunermend hene ku bi berhemekê tenê bandor li ser hunerhezan kiribe. Her çi qasî ku huner li ser hîmê behreyê (qabilîyet, tiwanî, capacity, yetenek) be jî, bê ked û wext berhem nayên afirandin. Carinan hinek hunermend di dawiya jiyana xwe de tên naskirin.
       Albuma muzîkê ya Diljen Ronî ya çaremîn, Xewna Derew, 17yê Mijdarê hat weşandin.Li ser qenalên înternetê (Spotify, Itunes, Youtube) dikare bê guhdarîkirin. Diljen Ronî bi xwebawer û bi domdarî  li pey şopa hunerê dimeşe.Dibe ku huner jî gereke li pey şopên "Xewneke Derew" be? Di roja îro de bazar û derfetên derxistina albûmên mûzîkê dijwartir bûye. Tevî van astengiyan Diljen, mîna ku li "Evîna Wenda" bigere, bi kelecana roja pêşîn li pey newayan ketiye.
       Di albumê de neh stran cî digirin. Du stran cover in, yên din besteyên hunermend bi xwe ne. Gotinên çar stranan wî, sisyê din jî Müslüm Aslan nivîsiye.

       Hunermend di her albuma xwe de her çi qasî ku ne tarzên dûrî hev bin jî, tarzên cuda bi kar aniye. Gelek formên mûzîka modern di mûzîka Diljen de cî girtiye. Ji sentezên Rockê heta Bluesê, ji Reggaeyê heta Popê hatiye ceribandin. Li gel amûrên klasîk mîna tembûr û ûdê, yên modern jî bi serkeftî hatiye xebitandin.
       Bi gelemperî sounda vê albûmê têra xwe xwirt e. Li gora albûmên berê, di vê albûmê de vokal berbiçav e. Rîtîm û soloyên bi gîtarê xwe li albûmê pêçane.
     Ji hinek stranên mîna  "Xewna Derew" û "Diltolaz" bêhna popa bi tirkî tê. Stranên Ezginin Günlüğü tînin bîra mirov. Dibe ku ev ji bandora derhênerê albumê be. 
      Strana Hozan Dilgeş a bi navê "Ez û Yarê" û klasîka Wetan "Sînê" jî bi awayekî cuda hatiye xwendin. Rîtma "Ez û Yarê" xweş lê hatiye, lê covera Sînê stran nêzîkî forma popê kiriye, kêmasiya soloya orjînal a Sînê, stran lawaz kiriye.
      Ûda di strana bi navê "Derya" de ruhê melankolîk yê stranê radixe ber çavan. 
      Li gora dîtina min stranên herî serkeftî "Navê Te" û "Xeydok" in. Ev her du stran bi rîtîm û soloyên gîtaran, tê bêjî qey ji refê xwe qetiyane û dane pey şoperêya Pink Floydê.
  Diyar e ku Diljen bi vê xebat û keda xwe ew ê di pêşerojê de asta mûzîka kurdî bilindtir bike. Serkeftin.

      Hûn dikarin ji van lînkan li albûmê guhdarî bikin.
https://open.spotify.com/artist/4V8BRv6YC0QyfFAEUKKqi2#_=_
https://itunes.apple.com/us/album/xewna-derew/1442206691
https://www.youtube.com/playlist?list=PL5TTbX69ix7Hce8N3MCaMX8FoePF8M8B0

Bîra Raman û Bîreweriyê

Yorumlar

Yorum Gönder

Bu blogdaki popüler yayınlar

Nirxandinek li Ser Rêbera Rastnivîsîna Kurmancîyê

Nivîskar:
Resim
Zimanekî mîna kurdîyê, tevî nîqaşên zanyarî ku bi çar lehçeyan û bi dehan devokan, helbet hewcedariya wê bi gelek xebatên zimannasîyê heye. Em baş dizanin ku ji bo netewbûnê ziman xala herî bingehîn û sereke ye. Hewildanên standartkirina zimanî   belkî ji Ehmedê Xanîyî de bûbe derdê rewşenbîr û xemxwirên kurdîyê, ji ber ku di Mem û Zîna zêrîn de em dibînin ku Ehmedê Xanîyî, gelek devokên kurmanciyê bi kar anîye. Îro roj, em baş dizanin ku Mîrê Kurmanciyê, Mîr Celadet Alî Bedirxanî, ji bo standartkirina kurmancîyê xebatên giranbiha kirine. Mixabin, hîna jî me li ser wê bingeha ku C.A. Bedirxanî ava kiriye, tiştekî berbiçav lê zêde nekiriye. Pirtûkên rêziman û rastnivîsînê yên li ber destên me tev dişibin hevdu. Hewcedariya me bi xebat û teoriyên resen, bi termînolojiyeke hevpar, xebatên berawirdkirina lehçeyan, ferhengên berfireh ên   lehçeyên kurdîyê, ferhengên devokan, yên biwêjan, yên gotinên bav û kalan, xebatên etîmolojîyê û hwd hene. Erê, rast e ku gelek xebatên hêja jî hatin
Berdewama wê »

Nîşekin ji Xwendinên Mîn

Nivîskar:
Resim
1.Bextiyar Elî - Hinara Dawî Ya Dinyayê  Bextiyar Elî yek ji herî serkeftî romannûsê kurd e. Heta niha tevî vê romanê çar romanên wî ji soranî bo  kurmancî, hatiye wergerandin. Bi taybetî bi şêwaza "rastiya efsûnî" berheman diafirîne. Mijarên romanên wî jî hema nêzî hev in, mirov dikare bêje ku yek in. Bêdewletbûna kurdan, birakujî, rewşa rojhilatê navîn û Iraqê, paşvemayîna civaka kurd ûhwd... Ji aliyekî din ve , navên lehengên romanên Bextiyar Elî jî baldar in. Di vê romana xwe de, bi taybetî li ser mijara "zarokên bêxwedî yên şoreşê" radiweste.  Ev pirtûk hêjayî nirxandineke berfireh e. Ez ê hewl bidim ku di pêşerojê de li ser vê romanê çend tiştan binivîsim. 2-  Jan Dost – Kobanî  Jan Dost ji aliyê romannûsiyê ve nivîskarekî ku pênûsa wî têra xwe xwirt e. Çîrokbêjî û lehengên xwe bi hostayî dinivîse. Hemû romanên wî, têr û tijî ne. Romana Kobanî jî bi lehengên xwe, honandina çîrokê û vebêjeriya xwe, bala xwînerê/a kurd dikişîne, wî/wê dixe bin bandora
Berdewama wê »

Parkûra Omeryan

Nivîskar:
Resim
      Her teyr bi refê xwe re difire û her dar li ser koka xwe şîn tê. Ref û kok mîna kodên genetîkê ne.Dar bi axê ve xwirt dibe û teyr jî li asîmanê wê axê azad dikare bifire. Dema ku mirov ji xwezaya xwe dûr dikeve kêmasiya ax û av û hewaya erdnîgariya xwe bêhtir his dike.       Herêma Omerya bi gelemperî dikeve navbera bajarê Mêrdînê ú navçeyên wê Nisêbînê û Midyadê. Li dora 80 gundî ye. Gundên herêma Omeryan weke gundên herêmê ji salên notî ve hatin valakirin. Hema hema bi temamî herêmeke çiyayî ye û çiyayên wê ne ewqasî bilind û asê ne, bi darên berûyan, çilo, rez û darên cûrbecûr xemilandî ye. Axa wê ji rengekî sor î soringê ye, malên gundan ji kevirê şehkirî hatiye avakirin ku ji wan re dibêjin qesir. Pir kêm gund bê av in, Çemê Stilîlê, Çemê Qurdîsê mînakên çemên mezin in, yên biçûktir jî pir in. Bi deh salan xwediyê van gundan ji warê xwe hatin dûrxistin . Piştî ku ew “qedexe rabû” êdî veger jî ne hêsan bû. Heta van salên dawî jî kêm kes vegeriyan gundên xwe, ji ber ku ew m
Berdewama wê »